السلام تحية الاسلام (السلام عليكم ورحمة الله وبركاته)
والله دقيتي على الجرح "ياسعودي بيوتي"
انا من اهل الرياض( ماراح اقول اي شي في الرياض عشان مايزعلون مني اهلها ولكن مضمون اللي باقوله يوضح رأيي)
أنا دراستي كانت في الرياض الى نهاية اول ثانوي.بعدين بدت مرحلة جديدة في عمري (أحلى ايام عمري)لما انتقلنا الى المنطقة الشرقية مع الوالد
درست في ثانوية الدوحة (فرررررررررررق)
اول مره في حياتي اشوف مدرسه مؤثثة وتكييف مركزي.
أول مره في حياتي لما ينتهي وقت المدرسة اجلس احسب الساعات عشان يجي اليوم الثاني ونرجع ندرس.
أول مره في حياتي احب ادرس من نفسي من غير مأاحد يقولي ذاكر.
أول مره في حياتي امون على المدرسين واعاملهم زي اخواني.
اول مره في حياتي يصير لي شله اصدقاء دائمه.
أول مره اعرف معنى كلمة (زعاطه).
أول مره أدخل حي ارامكو وبحرها واشوف عالم ثاني غير السعوديه وسط السعوديه.
أول مره اشوف السينما في ارامكو.
أول مره اسكن لوحدي في اللاينات في الجامعه .
أول مره اروح البحرين.
بأتعب وانا اقول كل اللي اول مره صار معي غير اني كسبت اعز الاصدقاء اللي الى اليوم واصلين الصداقه وعساها تدوم انشالله.
عمري في الخبر والدوحه ( سبع سنوات/ الثانوية والجامعه)
ميزة الخبر
طيبتهم وسهولة التعايش مع اهلها
كورنيش الخبر وخصوصا بعد صلاة الفجر وقت شروق الشمس . الفطور الصبح من بوفية السعادة .
المشي في الليل على الكورنيش وخصوصا اذا معاك احد من اخوياك اتسولف وياه.
والراشد يووووووو ياسلام على الذكريات.
خلاص قلبي عورني من كثر ماأتذكر
القلب ومايهوى وانا قلبي يهوى الخبر والله يصبرني بس.
